దోపిడి దొంగల సంఘం!

(ప్రత్యేక ప్రతినిథి)

విలేకరుల పేరిట దోపిడీలకు పాల్పడుతున్న వారంతా కలిసి విశాఖలో సంఘంగా ఏర్పడ్డారు. ఈమధ్యే వాళ్లంతా సమావేశం కూడా అయ్యారండోయ్. సమావేశం అవడమే కాదు, సంఘనికి కొత్త నాయకత్వాన్ని కూడా ఎన్నుకున్నారు. అయితే, ఎంపికైన వారిలో ఎంతమంది ఎడిటర్లో, ఎంతమంది సంపాదకులో అంతుచిక్కక సంఘంలోని నిజమైన జర్నలిస్టులు అవకాశం దొరికిన చోటల్లా గుసగుసలాడుకుంటున్నారు. అదేం పాపమో తెలియదు కానీ నిజమైన జర్నలిస్టులకు ఆ సంఘంలో చోటే కరువైంది. రాని పత్రికలకు ఇచ్చిన ప్రాధాన్యత నిత్యం వస్తున్నవాటికి ఇవ్వలేదన్న అపవాదు సరేసరి! వేర్వేరు పేర్లతో ఇప్పటికే విశాఖలో రాజ్యమేలుతున్న ఎర్నలిస్టుల సంఘాల జాబితాలో ఇది కూడా చేరిందిలే అని సరిపెట్టుకోవాలా? లేక సరికొత్త లక్ష్యంతో ఆవిర్భవించిన ఈ సంఘాన్ని అభినందించాలో మీరే ఆలోచించండి!